သိပ္ပံ

အက္ကပို တစ်ယောက် ဒီနေ့ သိပ္ပံဘာသာရပ်ဖြေနေသည်။  ဒီနှစ်‌တော့ ဘယ်လို ဖြေမယ်မသိ။ မနှစ်က သိပ္ပံဘာသာရပ် စာမေးပွဲ မှာ အက္ကပို ဖြေခဲ့ပုံမှာ ____

မေးခွန်း ၁
အဘယ်ကြောင့် မြစ်ထဲမှရေကို သန့်စင်ပြီးမှ သုံးစွဲသင့်သနည်း။

အဖြေ
စည်းကမ်း မရှိသော ငါးများသည် ရေထဲတွင် ကျင်ကြီးကျင်ငယ် စွန့်ခြင်း၊ သံဝါသပြုခြင်းများကြောင့် မြစ်ရေ မသန့်ရှင်းမှုဖြစ်ပေါ်စေပါသည်။ ထိုကြောင့်မြစ်ရေကို သန့်စင်ပြီးမှသာ အသုံးပြုသင့်ပါသည်။

မေးခွန်း ၂
မြစ် ချောင်းများအတွင်း ရေထူညစ်ညမ်းမှုကို ရပ်တန့်စေရန်မည်သို့ ဆောင်ရွက်သင့်သနည်း။

အဖြေ
မြစ်ကမ်းပါးတစ်လျောက်တွင် ငါးများအတွက် အများသုံး သန့်စင်ခန်းများ တန်ဖိုးနည်းအိမ်ယာများ ဆောက်လုပ်ပေးသင့်ပါသည်။

မေးခွန်း ၃
ကျွန်ုပ်တို့၏ မြစ်များအတွင်း ငါးအလွန်အကျွံဖမ်းဆီးခြင်းကို ရပ်တန့်ရပ် နည်းလမ်း သုံးသွယ်ကို ရှင်းလင်းတင်ပြပါ။

အဖြေ
ကျွန်ုပ်တို့၏ မြစ်များအတွင်း ငါးအလွန်အကျွံဖမ်းဆီးခြင်းကို ရပ်တန့်ရပ် နည်းလမ်း သုံးသွယ်မှာ___
၁. ငါးများကို မိသားစု စီမံကိန်း စနစ် မိတ်ဆက်ပေးရန်
၂. ၎င်းတို့အား တူတူပုန်းတမ်း ကစားနည်း သင်ပေးရန်
၃. ငါးအခွင့်အရေးကော်မရှင်နှင့် ပူးပေါင်းပြီး အစိုရမှ ကူညီပေးရန် စသည်တို့ ဖြစ်ပါသည်။

အဲသလိုနဲ့ အက္ကပိုဟာ ဒီနှစ်‌လည်း ပြန်ဖြေရတဲ့ဆီ ရောက်သွားခဲ့ုခင်း ဖြစ်ပါတယ်။

ဒါမျိုးတော့လာမလုပ်နဲ့

 

အက္ကပိုတစ်ယောက် ဇာတာစန်းလဂ်တက်နေပြီနဲ့တူပါတယ်။ ၁၀၀ တန်ထီလက်မှတ်တစ်စောင် ထိုးခဲ့တာ သန်း၂၀ ဆု ပေါက်သွားပါတယ်။ အက္ကပိုဟာ ဝမ်းသာအားရ ချက်ချင်းပဲ ငွေသွားထုတ်ပါတော့တယ်။ ငွေထုတ်ပေးတဲ့စာရေးက ထီလက်မှတ်ကို စစ်ဆေးတယ်။ ပြီးတော့ ရှင်းပြတယ်။
" ဆရာ့ ထီလက်မှတ်က မှန်ကန်ပါတယ်။ ဒါပေမာ့် ငွေက ထုတ်လို့ မရသေးဘူး ။ စည်းကမ်းအတိုင်း ၇ရက် ပြည့်မှ ထုတ်ပေးရမှာပါ။ ဒါပေမယ့် ဆရာအဆင်ပြေသွားအောင် ကျွန်တော်တို့ရုံးခွဲမှာ ရှိတဲ့ လက်ကျန်ငွေ ၅ သန်းကို ထုတ်ပေးလိုက်မယ်။ ကျန်တဲ့ ၁၅ သန်းကို နောက်၇ရက်ပြည့်မှ လာထုတ်ပါ။

" မရဘူး... ဟေ့ကောင်...။ ငါ့ပိုက်ဆံ သန်း၂၀ အပြည့်အဝ တစ်ခါတည်း လိုချင်တယ်။

" ဆရာ့ပိုက်ဆံ ရရပါစေမယ်။ အဲဒီနေ့သာ ပြန်လာခဲ့ပါ။ "

မင်း ငါ့ကို နှပ်ချလို့မရဘူးကွ။ သိလား။ အက္ကပိုတဲ့ တစ်ပိုတည်းရှိတယ်။ စောစောက သိရင် မင်းတို့ ထီ ထိုးကိုမထိုးဘူး။ အခုလည်း မထိုးတော့ဘူး။ ငါ့ထီလက်မှတ်ဖိုး ၁၀၀ ခုချက်ချင်း ပြန်လျော်ပေး "

ကျေးဇူးအများကြီးတင်ပါတယ်

 

ကျေးဇူးအများကြီးတင်ပါတယ်

"""""""""'""""""""""""""""'"""""""""""""""""""""

Credit...#ချိုကိုဘို 

အက္ကပိုဟာ တရားရုံးမှာ အစစ်ဆေးခံနေရပါတယ်။ အချိန်အတော်ကြာ စစ်ဆေးပြီးသွားတဲ့အခါ အပြစ်ရှိကြောင်း ထင်ရှားတယ်လို့ ဂျူရီလူကြီးတွေက သဘောရကြတယ်။ တရားသူကြီးကပြောတယ်။

" အချက်အလက်တွေအားလုံးက မောင်မင်းအပြစ်ရှိကြောင်း ညွှန်ပြနေကြတယ်။ ဒါကြောင့် အပြစ်ဒဏ် အနေနဲ့ နိုင်ရာငွေ ၅၀၀၀ သို့မဟုတ် ထောင်ဒဏ်တစ်လ ဒီနှစ်ခုထဲက တစ်ခုခုကို မောင်မင်း ကိုယ်တိုင်ရွေးခြယ်ပါ။ အက္ကပိုက အနည်းငယ် စဉ်းစားပြီး ပြန်ပြောလိုက်တယ်။

" ကျွန်တော် နိုင်ရာ ၅၀၀၀ ကို ငွေသားနဲ့ ယူပါမယ် တရားသူကြီးမင်း ခင်ဗျား။ ကျေးဇူးတင်ပါတယ် "

ကြယ်ရောင်လရောင်

ကြယ်ရောင်လရောင်

~~~~~~~~~~~

Credit... #ချိုကိုဘို

ရဲအရာရှိ အက္ကပိုဟာ ကင်းလှည့် တာဝန်ကျနေချိန်မှာ ဌာနက ညွှန်ကြားချက် ဝင်လာတယ်။ သူဌေးတစ်ယောက်ရဲ့အိမ်ကို ဓားပြတွေ ဝင်စီးပြီး ငွေတွေ ယူသွား လူကိုလည်း ရိုက်နှက်သွားလို့ ချက်ချင်း သွားကြည့်ဖို့ ညွှန်ကြားလာတာ ဖြစ်တယ်။ ညွှန်ကြားချက်ပါ လိပ်စာအတိုင်း အက္ကပို ရောက်သွားချိန်မှာ သဌေးကြီးဟာ  ဝတ်ကောင်းစားလှတွေကို ဖိုသီဖတ်သီပုံစံ ဝတ်ထားပြီး တုတ်ကောက်ကြီး တဒေါက်ဒေါက်ထောက်နဲ့ အိမ်ရှေ့ခြံဝင်းထဲ လမ်းလျှောက်နေတာ တွေ့တယ်။ အက္ကပို ကားပေါ်က ဆင်းဆင်းချင်း  သဌေးက ဒေါသတကြီးနဲ့  ပြောလိုက်တယ်။

" နေ့ခင်း ကြောင်တောင်ကြီး ကျုပ်အိပ်ကို ဓားပြတွေ ဝင်မွှေသွားတာ မင်းတို့ ရဲတွေဘာလုပ်နေကြလဲ။ ပြည်သူတွေရဲ့ အိုးအိမ်စည်းစိမ် လုံခြုံမှုမရှိပဲ ရင်တထိတ်ထိတ်နဲ့ နေရတဲ့ တိုင်းပြည်မှာ လူဖြစ်ရတာ နာတယ်ကွာ... "

အက္ကပိုက ဖြောင်းဖြတဲ့ အသံနဲ့ ပြောတယ်။

.

" သဌေးကြီး ခင်ဗျား...။ စိတ်ကိုလျှော့ပါ။ ကျွန်တော် မေးခွန်း နည်းနည်းမေးပါရစေ။ ဒါမှ လူဆိုးတွေကို ဖမ်းဆီးရာမှာ အကူအညီရမှာပါ "

" မေးကွာ ...။ ဘာမေးချင်လဲ "

" လူဆိုးတွေ ဝင်လာတဲ့အချိန်က ဘယ်ချိန်လဲ။ ဘယ်လိုပုံစံတွေလဲ။ ဘယ်နှစ်ယောက်လဲ "

"မနက် ၇ နာရီလောက် ဝင်လာတာပဲ။ ငါတောင်အိပ်ရာက မထသေးဘူး ။ စုစုပေါင်း လူဆိုး ၃ ယောက်။ မျက်နှာဖုံးတွေ စွပ်ထားကြလို့ မျက်နှာတွေ မမြင်လိုက်ရဘူး။ အကုန်လုံး အရပ်မြင့်မြင့် ဒေါင်ကောင်းကောင်းတွေချည်း။ ကျုပ်အိမ်မှာ ထားတဲ့ ငွေ ငါးသိန်းလောက်ပါသွားတယ်။ အဆိုးဆုံးက ကျုပ်ခေါင်းကို ဆော်ထည့်လိုက်တာ ကျုပ်လည်း ကြယ်တွေ လတွေ မြင်သွားတာပဲ။ "

ရဲအရာရှိ အက္ကပိုက သဌေးရဲ့ ထွက်ဆိုချက်တွေကို ရေးမှတ်နေရင်းက မေးလိုက်တယ်။

" အဲဒါဆို အဲဒီကြယ်တွေ လတွေရဲ့ အရောင်တွေကိုရော မှတ်မိလား... "

သူဌေးကြီးဟာ ဒေါသငယ်ထိပ်ရောက်သွားပြီး လက်ထဲက ဒုတ်ကောက်ကြီးနဲ့ အက္ကပိုခေါင်းကို သုံးလေးချက် ဆင့်ပြီး ဆော်ထည့်လိုက်ကာ ပြောတယ်။

" ကြယ်ရောင်လရောင်ဆိုတာ ဒီလိုမျိုး အရောင်ဟေ့... ။ အခု လက်တွေ့ သိပြီလား ...ကဲ သိပြီလား.. . ကဲ...  သိပြီလား... "

🤣🤣🤣🤣🤣

အပြေးပြိုင်ပွဲ

အပြေးပြိုင်ပွဲ

~~~~~~

စားသောက်ဆိုင်တစ်ခုထဲမှာ အက္ကပိုဟာ နေ့လည်စာ စားနေတယ်။ တီဗွီကလည်း အပြေးပြိုင်ပွဲတစ်ခုတိုက်ရိုက်လွှင့်တာကို ပြနေတယ်။ ဇာတ်လမ်းလည်း မဟုတ်တဲ့အတွက် အက္ကပိုဟာ မကြည့်တတ်ဘူး ဖြစ်နေတာနဲ့ စားပွဲထိုးကို ခေါ်မေးတယ်။

အက္ကပို ။    ။ မင်းတို့ တီဗွီက ဘာပြနေတာလဲ ။

.စားပွဲထိုး ။    ။ အပြေးပြိုင်ပွဲပါ ဆရာ။ ပြိုင်ပွဲမှာ နိုင်တဲ့သူက ဆုဖလား ရမှာပါ။

အက္ကပို ။    ။ နိုင်တဲ့သူက ဆုဖလားရမှာမို့ ပြေးတာ ထားပါတော့။ ကျန်တဲ့သူတွေက ဘာလို့ ပြေးနေကြတာလဲ။

😂😂😂😀😃😁

မိန်းမများအကြောင်း သိကောင်းစရာ ၈ ချက်

 

မိန်းမများအကြောင်း သိကောင်းစရာ ၈ ချက်

~~~~~~~~~~~~~~~~~~~~~~~

၁.

ငွေနဲ့ပတိသက်လာရင် မိန်းမတွေက စေ့စပ်သေချာပြီး ကပ်စေးနဲတတ်ကြတယ်။

၂ .

မိန်းမတွေက စေ့စပ်သေချာပြီး ကပ်စေးနဲတတ်ကြတယ်ဆိုပေမဲ့ တန်ဖိုးကြီး အဝတ်အစားတွေ ဝယ်ဖို့ကျ လက်မနှေးကြ။

၃.

တန်ဖိုးကြီး အဝတ်အစားတွေ ဝယ်ဖို့ကျ လက်မနှေးကြပေမဲ့ သူတို့ဆီမှာ တစ်နေရာရာ သွားခါနီး ဝတ်စရာ ရှိတယ်ကို မရှိဘူး။

၄.

ဝတ်စရာသာ မရှိဘူးဆိုတယ် လှတပတ ဖြစ်အောင်တော့ အတော် ဝတ်တတ်စားတတ်ကြသား။

၅. ဘယ်လောက်ပဲ လှအောင် ဝတ်ရဝတ်ရ သူတို့ကိုယ်သူတို့/ သူတို့အလှကို သူတို့  ကျေနပ်နိုင်အားရတယ်ကို မရှိပြန်ဘူး။

၆.

သူတို့အလှကို သူတို့  ကျေနပ်တယ်သာ မရှိတာ။ ယောက်ကျားတွေ ငမ်းတာ/ လှပကြောင်း ချီူမွမ်းတာကိုကျ ခံချင်ပြန်ရော။

၇.

ယောက်ကျားတွေ ငမ်းတာ/ လှပကြောင်း ချီူမွမ်းတာကိုသာ ခံချင်တာ။ တကယ်ငမ်း တကယ်ချီးမွမ်းတော့ မယုံချင်ကြပြန်။

၈.

ယောက်ကျားတွေအပေါ် မယုံမဲ့သာ မယုံတာ။ မျက်စိမှိတ် ပုံအပ်ဖို့ကျ ဝန်မလေးကြပြန်ဘူး။

မဟာကဝိ ပညာရှိ အက္ကပို

မိုးခြိမ်းသံ

 

မိုးခြိမ်းသံ

----------

သိပ္ပံ စာသင်ချိန်တွင်....

ဆရာ ။    ။ လျပ်စီးလက်တာကို အရင် မြင်ရပြီး မိုးခြိမ်းသံကို နောက်မှ ကြားရတာ ဘာကြောင့်လဲဆိုတာ ဘယ်သူသိလဲ။

အက္ကပို ။     ။ ကျွန်တော် သိပါတယ် ဆရာ။ ကျွန်တော်တို့ မျက်စိက နားရဲ့ အရှေ့ကို ရောက်နေလို့ပါ ။

🤣🤣🤣😂😂😂